MENÚ COMEDOR OUTUBRO

 

MENÚ COMEDOR SETEMBRO

 

VOLTA AO COLE!

Comezamos o curso 24/25 coas pilas cargadas e sabendo que "xuntos crecemos, xuntos aprendemos". 

BO VERÁN

                                 

                                   

O equipo de Educación infantil 

VIGO NATURE

 VAIA EXPERIENCIA! 

Preme na imaxe para ver as fotos

Poder pasar o día xuntos xa fixo que tivésemos unha xornada moi especial, pero poder coñecer os animais do parque dun xeito TAN cercano ten sido unha pasada. 

Non podíamos ter elexido unha mellor maneira de nos despedir.

Patos á auga!

Preme na imaxe para ver a galería de imaxes

Este ano, a finais de curso, o alumnado de 6º de Educación infantil foi de excursión á praia. O destino eliixido foi a praia de Patos. Foi unha xornada moi animada e deportiva na que o alumnado comezou a practicar surf e paddle surf. Risas, xogos, chapoteo e amigos foron a nota dominante da xornada. A seguir nadando!

DESCUBRINDO O MUNDO DAS ABELLAS

                      Preme na imaxe para ver a galería de fotos

O pasado mércores, o alumnado de 5º de Educación Infantil foi de excursión de fin de curso á "Granxa Apípolis" para poñer o broche de ouro ao último proxecto do curso: SOS!Animais en perigo de extinción. Alí, vestíronse de apicultores, probaron o pole, fixeron un obradoiro de galletas de mel e descubrion cómo as abellas coidan as colmeas e axudan na produción do mel. Aprenderon moitas cousas e gozaron moito desta experiencia.

LABOR EN FESTAS

Preme na imaxe para ver o vestuario

O pasado 31 de maio tiveron lugar no centro as festas do cole. Este ano o alumando fixo un repaso das cancións do verán máis escoitadas ao longo dos derradeiros anos. Disfrutaron moito coas actuacións e co concerto de Barafunda. Ata o ano que vén!

 

MAYO CULTURAL - "CULTURA URBANA"

Preme na imaxe para ver as marabillosas obras

Dende o 2015, Vigo converteuse nun museo ao aire libre de diferentes rexistros artísticos. Así, dende o noso centro e coincidindo coa celebración do "Mayo cultural", o alumnado de Educación infantil elaborou diferentes obras artísticas que se poden atopar nas principais rúas da cidade. 

 

VISITA "FUNDACIÓN SALES"

Preme na imaxe para ver a galería de imaxes

O pasado venres, o alumnado de 6º de Educación infantil foi visitar o xardín botánico da Fundación Sales con motivo do seu proxecto relacionado coa auga. Alí puideron coñecer unha gran variedade de plantas silvestres e cultivadas ademais de realizar un taller de plantación. 

DÍA DA SAÚDE

 O día 7 de abril foi o Día da saúde e para facernos eco desa conmemoración convidamos a dous  sanitarios moi especiais... un papá e unha mamá dos nosos grupos. 

Preme na imaxe para ver o ben que o pasaron

Faláronlles sobre o concepto de saúde e explicáronlles cales son os hábitos que teñen que seguir para axudar ao noso corpo a estar san: alimentación saudable, facer exercicio, durmir ben e pensar cousas positivas. Tiveron a oportunidade de aprender para que sirven aquelas prácticas que fan os médicos cando van ás revisións (o fonendo, o pauciño da garganta, a luz para ver os ollos, etc.).

Ademais, en caso de emerxencia, explicáronlles a quen deberían chamar e cómo deberían actuar.

Foi unha experiencia moi enriquecedora e por iso dámoslle as gracias unha vez máis aos nosos colaboradores.

MUSEO MARCO

O pasado venres, o alumnado de 4º de Educación Infantil, fixo unha saída ao Museo de Arte Contemporánea (MARCO) e puideron disfrutar da exposición guiada do artista Daniel Verbis.

Ademáis, tíñanlles preparado un obradoiro de arte no que puideron disfrutar pintando cunha técnica moi creativa. 

Pincha na foto para ver as obras que fixeron e o ben que o pasaron coñecendo as distintas salas do museo.

MENÚ COMEDOR ABRIL

 

KIDCODE

Hoxe, os alumnos e alumnas de 6⁰ de infantil visitaron KIDCODE, un centro de tecnoloxía, ciencia e habilidades dixitais moi preto do noso cole.

Preme na imaxe para ver cánto se divertiron

Fixeron un obradoiro de reciclaxe ♻️ e diseñaron uns robots que lles axuden a cuidar o planeta. 

Moitas grazas a todos e todas as monitoras do centro que tanto lles ensinaron e axudaron.

8M - DIA INTERNACIONAL DA MULLER

Preme na imaxe para ver os seus arcos da vella

Hoxe celebrouse o 8 de marzo, día internacional da muller, e o fixeron a través dun conto chamado "Los colores" no que se traballa a coeducación e a importancia de dicirlles aos nenos e nenas a necesidade de estar unidos na loita. Como actividade final, cada neno e nena colorearon un arco da vella. 

                    Valentes - Invencibles - Loitadoras
 

SAÍDA AO MERCADO

Preme na imaxe para ver o ben que o pasaron

Para finalizar o proxecto "COAS MANS NA MASA" e afianzar os aprendizaxes adquiridos, o alumnado de 5º de Educación infantil foi visitar o "Mercado das Travesas" onde coñeceron os diferentes postos: peixerías, carnicerías, tendas de froitas, tendas de flores,...

Pasárono moi ben!

Moitas grazas ao Mercado das Travesas por acollernos tan ben.

MENÚ COMEDOR MARZO

 

VISITA AO SÚPER

 E para rematar o proxecto dos sentidos... VISITA AO SÚPER!

Hoxe pola mañá ambos grupos de tres anos puxéronse os abrigos e pasearon ata un dos supermercados da nosa rúa para poder ver de cerca todos os alimentos e poñer en práctica os seus coñecementos. Coñeceron a todas as persoas que traballan alí e explicáronlles en que consisten os seus traballos. 

Se premes na foto poderás ver o ben que o pasaron

Moitas gracias ao Plenus que ademais de permitirlles a visita e facela moi divertida, fixéronlles algún que outro agasallo.

A GALOPE!

 

Preme na imaxe para ver a galería de fotos

O pasado venres, o alumnado de 6º de Educación infantil visitou a Escola de Equitación de San Cosme. Tiñan moitas ganas desta saída xa que para a maioría, era a primeira vez que montaba nun poni. Coñeceron as súas instalacións: cuadras, comedores e duchas. 

Ademais deste primeiro contacto coa equitación, tamén fixeron un percorrido pola granxa, onde interactuaron con diferentes animais como coellos, galiñas, cordeiros e porcos. Foi unha gran experiencia.

ENTROIDO, ENTROIDO

Como cada ano, no cole, celebrouse o noso Entroido particular, coa temática das bandas deseñadas. Por iso, os nenos e nenas de Educación Infantil convertíronse nos mellores superheroes e superheroínas que podíase imaxinar.

Aínda que foi unha festa pasada por auga, iso non lles impediu festexar e divertirse cos seus compañeiros e compañeiras. Desexámosvos que pasedes un bo entroido!

MENÚ COMEDOR FEBREIRO

DÍA DA PAZ E DA NON VIOLENCIA

 O 30 de xaneiro conmemórase o Día da Paz e da Non Violencia, e como non podía ter sido doutro xeito, dende o Colexio Labor fixémonos eco diso.

Se pinchades na imaxe do mural que fixeron os alumnos e alumnas de primaria, móstranse as pombas da paz que, o alumnado de Educación Infantil fixo na clase ao tempo que recordaron a importancia dunha boa convivencia e respeto aos demais.

MENÚ COMEDOR XANEIRO

 

VISITA DE PAPÁ NOÉL

O mércores 20 de decembro tivemos a sorte de contar no noso centro coa visita de Papá Noél e dos seus elfos. Foi unha mañá estupenda chea de caras de sorpresa e emoción. Moitas grazas pola visita.

Aproveitamos para felicitarvos o ano novo e que o 2024 esté cheo de momentos felices.