MAIO CULTURAL - FESTA DA PRIMAVERA 🌸🌻🌼🦋

Preme na imaxe para ver as fotos

Para rematar o Maio cultural, o pasado venres, o alumnado de Educación Infantil celebrou a "Festa da primavera" , cunha explosión de cor e creatividade. Un día alegre onde o alumnado demostrou o seu talento e entusiasmo. Unha mostra de arte e diversión dividida en diferentes obradoiros: o intrépido alumnado de 4º de Educación infantil preparou unhas fermosas vidreiras de primavera que encheron de luz e cor as nosas ventás; o enxeñoso alumnado de 5º de Educación infantil realizou unha incrible alfombra de sal máxica creando un mundo de fantasía e por último, o alumnado de 6º de Educación infantil converteuse en verdadeiros artesáns no obradoiro de bolboretas e colares de flores no que empregou materiais reciclados e moita creatividade.                     Agardamos que disfrutedes das fotos. Ata a próxima aventura!

SAÍDA Á BIBLIOTECA "JUAN COMPAÑEL" 📖

Preme na imaxe para ver as fotos

Como broche de ouro do Plan lector de aula, no que, cada fin de semana, o alumnado de 6º de Educación infantil levou un conto para a súa casa, tivo a sorte de poder visitar a biblioteca "Juan Compañel", para coñecer o seu funcionamento e as súas normas. Puido ver a cantidade de contos que hai alí, cómo facer para solicitar o carné da biblioteca e disfrutou co visionado e lectura de diferentes contos. Foi un día xenial!

MAIO CULTURAL - GARDIÁNS DA NATUREZA 🐯🦁🐘🐦

Preme na imaxe para ver as fotos

 Como actividade de Maio cultural, o alumnado de 5° de Educación infantil realizou unha exposición oral ao alumnado de 1° de Educación primaria titulada “Gardiáns da natureza”. Nela, explicaron os diferentes animais que están en perigo de extinción dende o oso panda ata o tigre de bengala ampliando así o proxecto no que están inmersos. O fixeron super ben !!! 

Uns verdadeiros profesonais da natureza!

MAIO CULTURAL - AS TRES ERRES: REDUCIR, REUTILIZAR E RECICLAR

 

Preme na imaxe para ver as fotos

Seguindo co Maio cultural, e aproveitando os nosos xoguetes do proxecto de reciclaxe, fixemos unha exposición para todo o centro. 

Moitas grazas as familias que participaron na actividade. Deches renda solta á imaxinación e fixeches xoguetes moi chulos.

MAIO CULTURAL E A PEQUE GRANXA 🐮🐴

Preme na imaxe para ver as fotos

Hoxe, o alumnado de 4° de Educación infantil expuso a súa Peque granxa, enmarcada dentro do proxecto "Un granxeiro en apuros" e  do Maio cultural. Os peques convertíronse en magníficos granxeiros, aprendendo de cada un dos animáis que viven alí e os cuidados que necesitan. Foron uns pequenos artistas.

MAIO CULTURAL E LETRAS GALEGAS 🎶

Preme na imaxe para ver as fotos

Hoxe, con motivo da celebración do Día das Letras Galegas, que este ano honra ás Cantareiras, o alumnado de 6º de Educación infantil disfrutou dunha actividade moi orixinal aproveitando a celebración do Maio cultural no centro. Dúas mestras ensináronlle como é un traxe rexional, vestíronos, cantaron, tocaron a pandeireta e aprenderon uns sinxelos pasos de baile galego. Cando remataron, na clase decoraron ás Cantareiras e unha pandeireta. Disfrutaron moito da cultura galega,

SAÍDA AO MUSEO DO MAR ⚓

                                         Preme na imaxe para ver as fotos

Hoxe, o alumnado de 5° de infantil, realizou unha visita en autobús ao Museo do Mar. Alí participaron no obradoiro “Tesouros da ría”. Aprenderon e observaron moitas especies mariñas no acuario, dende peixes de moitas cores, unha quenlla, cangrexos, cabaliños de mar,...ata un dente dun megalodón. Ampliando deste xeito, o seu proxecto ¡SOS animais en perigo de extinción! no que están inmersos. O pasaron moi moi ben !!!

MAIO CULTURAL "CIENCIAGUA" 🔬 👩‍🔬🧑🏻‍🔬

                                          Preme na imaxe para ver as fotos

Aproveitando o proxecto da auga e o Maio cultural, o alumnado de 6º de Educación infantil converteuse en científicos por un día, pero esta vez...con público! Sen axuda da mestra, explicaron e realizaron experimentos para o alumnado de 2º de Educación Primaria.      Pasárono moi ben!

CAMPAÑA RECOLLIDA DE LEITE 🥛

 

SAÍDA AO TEATRO 🎦

Preme na imaxe para ver as fotos

Hoxe, o alumnado de Educación infantil fixo unha saída ao teatro A Fundación  para gozar  da obra "E entón, un  xardín".  Trátase dun espectáculo de títeres con música en directo no que o xardín convértese nun lugar de celebración onde plantas e animais son os protagonistas dunha comedia disparatada espertando a imaxinación e traballando valores como a empatía, a responsabilidade e o respecto, Foi un día estupendo.

MENÚ COMEDOR MAIO 🍴